Gogoeta: Zer dira GABONAK?

Entzun dezagun JESUSek GABONEN INGURUAN esaten diguna

Zer dira gabonak? Zer da benetan ospatzen duguna? Konturatuko zineten bezala, azaroan hasi ziren gabonetako iragarkiak telebistetan eta aldizkarietan ere. Bertan opari mordo bat ikusi daitezke, baita elikadura berezia eta goxoa ere. Denak hasten gara pentsatzen aurten Olentzero eta Errege Magoei eskatuko dizkiegun gauzetan; aldizkariak ikusi, eskaparateak eta dendak bisitatu, eskutitzak idatzi, zapatak garbitu ….

Eta uste dugu gabonak prestatzea hauxe dela: “Gauza asko ditugula jada eta gauza gehiago izan behar ditugula”. Gehienetan, Gabonetako oporrak bukatzen direnean eta eskolako lehen egunean biltzen garenean opariez hitz egiten dugu, zer ekarri diguten, zenbat ekarri diguten.

Zuk uste al duzu Jesus elkarrizketa hauek entzutean pozik jarriko dela? Hau da berak erakutsi nahi ziguna? Zuen erantzuna ezezkoa bada, goazen gure bihotzak prestatzera eta benetako gabonak ospatzera. Abendualdi honetan eta lau asteetan zehar alegia, Jesusen jaiotzerako bidea prestatuko dugu.

Berez, presta ditzagun gabonak benetan: familiarekin, lagunekin eta… bihotzez egon gaitezen. Saia gaitezen konpartitzen eta eskuzabalak izaten laguntza behar dutenekin. Zaindu ditzagun gure harremanak gurasoekin, irakasleekin eta gelakideekin. Eskerrak eman ditzagun, jada, gauza asko ditugulako. Eta maite ditugun guztiei gure desiorik handiena eskainiko diegu.

Ondo entzun al dugu gabonak zer diren?

Presta ditzagun, bada, festa hauek ondo!!!

Emakumeen kontrako indarkeriaren aurkako Nazioarteko Eguna

   Urtero legez, azaroaren 25ean, Euskal Herriko eta munduko kaleak emakumeen kontrako indarkeriaren aurka beteko dira. Emakumeen kontrako indarkeriaren aurkako sinboloa puntu lila bat da: Sinbolo hau publikoki erakusteak berarekin dakar emakume eta gizonen arteko berdintasun eza oinarri duen era honetako indarkeriaren kontrako konpromiso aktiboa.

   Honen inguruan gogoeta egin dezazun ondorengo bideoa proposatzen dizuegu:


- Zer iruditu zaizu?
- Zer iradokitzen dizu?
- Zer egi daiteke emakumearen kontrako indarkeria desagertarazteko?

MARIA HAURRA 2019

MARIA ENTZUTEN DUGU lelopean, aste polita eta zoriontsua izan dugu guztiok. ZORIONAK guztioi aste ona burutu dugulako.

BEDOU eskola HAITIn

Eskerrik asko BEDOU eskolan lagundu duzuen guztioi:

 

BIDEOA: “ESCUCHA” kantua

Hay una llama en tu interior

se enciende cuando oye mi voz,

ese silencio que escapó

renace en forma de canción.

Si tú decides caminar

deja tu huella en los demás,

acoge todo lo que ves,

no tengas miedo atrévete.

Escucha, recibe y da,

aprender, caminar, siente lo que escuchas,

el arte de conversar, mejorar,

interpreta sin juzgar,

pon atención, haz silencio, la vida comienza.

Ven a dibujar conmigo de colores tu camino

abre bien los ojos y verás, amiga/o.

Coge mi mano con fuerza que mi alma te lo cuenta.

La respuesta en ti la encontrarás.

Escucha.

Hay tantos sueños que alcanzar,

barreras que hay que traspasar,

sonríe y brinda tu amistad,

puedes el mundo transformar.

IPUINA: MARIAren AURKEZPENA TENPLUAN

Bistaratzea (Bisualizazio bat) proposatzen da, Maria tenpluan lehenengo aldiz sartu zenean, eta hitzak entzun zituenean: "Jainkoa zurekin".

Ikasleak posizio egokian jartzera gonbidatzen ditugu, bistaratzeko. Lasaitzeko eta arnasa hartzeko gonbitea egiten diegu. Hiru arnasketa sakon egin ondoren, animatzaileak honela dio:

Imajina ezazu oso gaztea zarela, hiru urte besterik ez dituzula. Goiz bat jaikitzen zarela zure aitaren eta amaren aurrean. Biak zure ondoan daude eta duten irribarreak zerbait garrantzitsua transmititzen du. Zure amak belarrira esaten dizu: gaur promesa bat beteko dugu. Eta zure aitak zera gehitzen du: toki garrantzitsu batera joango gara.

Ohetik altxatu zara, aurpegia garbitu duzu, jantzi eta gosari on bat egin ondoren, gurasoen eskutik heldu zara. Ez dakizu nora eramaten zaituzten. Baina pozez beteta zaude eta sentimendu oso berezia duzu zure gorputzean.

Une batean, zure gurasoak gelditu egiten dira, eta zure aurrean eliza ederra ikusten duzu. Sartu ahal izateko, oso umea bazara ere, 15 eskaileratik igo eta atearen aurrean zaudete. Zure inguruan begiratu duzu eta zure ondoan, aingeruak diruditen kantu gozo bat abesten duten beste gaztetxo asko daude.

Elizan sartu eta, orain, isilune batean, aldarera hurbildu zera. Han, Jainkoaren etxean isilik geratzen zara. (Etenaldi laburra isiltasunean).

Zure baitan hitz labur batzuk berpizten dira: "Jainkoa zurekin" "Jainkoa zurekin" "Bendenkatua zu bere hitza entzutzen duzulako" "gorde ezazu beti zure bihotzean".

Une horretatik aurrera indartsu sentitzen zara, maitasun handiz. Zure eskuak juntu daude bihotza leunki estaliz. Irribarre batekin bularra estutu eta zera esan duzu: eskerrik asko! (Etenaldi laburra isiltasunean).

Maria bezala, tenpluan aurkeztuak gara eskerrak emateko. Aprobetxatu une hau zure bizitzari, familiari, ikastetxeari, lagunei, irakasleei… eskerrik asko!, eta hainbeste gauza… eskerrik asko! Eskerrik asko!

Poliki-poliki, arnasketan atentzioa jartzeko eskatu diogu ikaslegoari. Besoan eta hanketan gorputz-keinu laburrak egitea eskatuko diegu eta begiak irekitzen joatea (guzti hau lasai-lasai).

Behin bistaratzea burutu dugun, nola sentitu diren azaltzen dute. Guk guziok Mariaren antzera entzun dezakegun. Nola sentituko litzateke Maria une honetan?

Gogoeta: MARIARI ENTZUTEN DIOGU

Aurtengo leloa behin eta berriro errepikatu dizuegu eta dagoeneko uste dugu ondo dakizuela: ENTZUN! Eta Maria Haurraren hilabetean hau modu sakonagoan lantzea gustatuko litzaiguke. Horregatik hilabete honetarako lelo hau proposatzen dizuegu: MARIAri ENTZUTEN diogu. Hilabete honetarako hiru gauza interesgarri nahastea eta elkartzea gustatuko litzaiguke: MARIA, ENTZUN eta SOLIDARITATEA alegia.

Eskolan urtero ospatzen ditugu bai MARIA bai SOLIDARITATEA. Ez dugu ahaztu behar MARIAk bizitzari, Jesusi eta pertsona ona izateari buruz esaten diguna; eta ez dugu ahaztu behar munduan konpartitu behar dugula. Maria Haurraren asteari beti lotzen diogu proiektu solidario bat eta hilabete honetan zehar hainbestetan entzun dugu solidaritatea jorratuko dugu.

Gogoratzen al duzue zein den HAITIn laguntzen ari garen proiektuaren izena? Eta zer da egiten ari garena? Bai!!! Oso ondo, BEDOU proiektua da!! Eta oso ondo gogoratuko zenuten bezala, Mariaren Lagundiak bertan duen eskolan lagundu nahi dugu: eraikuntza hobetuz, ikasteko materailez ornituz eta ikasleek behintzat otordu bat izan dezaten ahalbidetuz…

Bestalde, dakizuen bezala bai Mariak eta baita Santa Juanak ere, gure ingurukoekin eskuzabalak izaten erakutsi ziguten. Beraz, hilabete honetan Mariaren ontasuna gogoratzen ari dugunez, inoiz baino solidarioagoak izatera gonbidatzen zaituztegu. Horregatik, BEDOU proiektua ahaztu gabe, Irun eta inguruko herrietako biztanle behartsuak ere lagunduko ditugu. Lehengo urtean egin genuen bezala, elikadura bilketa bat egingo dugu Caritas-era bidaltzeko KILO operazioaren bitartez.

Beraz, prest al gaude benetan solidaritatea edo elkarbanatzea artean bihurtzeko?

Mariari ENTZUN diezaiogun eta SOLIDARIOAK izan gaitezen!!!